“Vergi və hesabatlılıq” işçi qrupunun növbəti iclası keçiriləcək

Fevralın 7-də saat 16.00-da Biznes mühiti və beynəlxalq reytinqlər üzrə Komissiyanın İqtisadiyyat Nazirliyi yanında Dövlət Vergi Xidmətinin rəhbərlik etdiyi “Vergi və hesabatlılıq” işçi qrupunun onlayn formatda növbəti iclası keçiriləcək.

Tədbirdə Dünya Bankı Qrupunun “Business Ready” hesabatının “Vergitutma” indikatoru ilə bağlı müvafiq sahədə təkmilləşmələrin və kommunikasiyanın həyata keçirilməsinə dair 2024-cü il üzrə Yol Xəritəsində görülmüş işlərin nəticələri və 2025-ci il üzrə Yol Xəritəsində nəzərdə tutulan tədbirlərin müzakirəsi aparılacaq.

Vətəndaşlar, o cümlədən özəl sektor nümayəndələri Biznes mühiti və beynəlxalq reytinqlər üzrə Komissiyanın https://azranking.az internet portalının “Onlayn müraciət” bölməsi və “Təklif göndər” onlayn xidməti vasitəsilə işçi qrupun işində iştirak edərək aidiyyəti sahə və məsələlər barədə təkliflər təqdim edə bilərlər.

• Dövlət Vergi Xidməti
• Kommunikasiya
• Dünya Bankı
• Təkmilləşmə
• Onlayn Iclas
• Hesabatlılıq
• Biznes Mühiti
• Vergitutma
• Indikator
• İqtisadiyyat Nazirliyi
• Business Ready
• Vergi