Tacikistan Ali Məhkəməsi dövlət çevrilişinə cəhd haqqında işin fiqurantlarına hökm oxuyub.
Bu barədə "Asia-Plus" portalı mənbələrə istinadla məlumat verir.
Dövlət çevrilişi törətməyə cəhddə ittiham edilənlər arasında keçmiş siyasətçilər, məmurlar və jurnalistlər, eləcə də Tacikistanın keçmiş xarici işlər naziri var.
Onlara 18 ildən 27 ilədək azadlıqdan məhrumetmə cəzası verilib. 27 il həbs cəzası alanlar ölkənin sabiq XİN başçısı Həmroxon Zərifi və Tacikistan Demokratik Partiyasının keçmiş sədri Səidcəfər Usmonzodadır.
