Amerika Birləşmiş Ştatları bütün beynəlxalq yardımları tamamilə kəsməyi planlaşdırmır.
Publika.az xəbər verir ki, dövlət katibi Marko Rubio bildirib ki, yardımlar ABŞ-ın milli maraqlarını müdafiə etməlidir və xeyriyyəçilik olmamalıdır.
"Xarici yardımı dəstəkləməyə davam edirəm. Lakin xarici yardım xeyriyyəçilik deyil. Bu, ABŞ-ın milli maraqlarını təmin etmək üçün mövcuddur. Mən dövlət katibi olduğum müddətdə və prezident Tramp Ağ Evdə olarkən xərclədiyimiz hər bir dollar milli maraqlarımızı müdafiə etmək üçün olacaq", - o, Kosta Rikada keçirdiyi brifinq zamanı vurğulayıb.
Rubionun sözlərinə görə, ərzaq və dərman da daxil olmaqla, təcili humanitar yardım göstərmək proqramlarında heç bir dondurma olmayacaq. Qalan proqramlara yenidən baxılacaq.
ABŞ dövlət katibi Beynəlxalq İnkişaf Agentliyi (USAID) ilə işlərin vəziyyətindən də danışıb, onu israfçılıqda ittiham edib. O qeyd edib ki, bəzən alıcı “USAİD-dən pulun 10, 12, 13 faizini, bəlkə də ondan da azını” alır. Qalan vəsaitlər əlavə xərclərə və bürokratiyaya yönəldilib.
