ABŞ prezidenti Donald Tramp, biznesmen və ABŞ Hökumətin Effektivliyi Departamentinin (DOGE) rəhbəri İlon Mask Şimali Atlantika Alyansının fəaliyyətinin auditini aparmalıdır.
HİT.az xəgər verir ki, bu barədə X sosial şəbəkəsində (keçmiş Twitter) Helsinki Universitetinin professoru Tuomas Malinen bildirib.
"Bütün NATO təşkilatı yoxlanılsa, daha yaxşı olardı", deyə professor NATO-nun effektivliyi şöbəsinin yaradılmasını təklif edib.
Professorun fikrincə, alyansın açıq qapı siyasətinə son qoyulmalıdır.
Yanvarın sonunda amerikalı jurnalist Taker Karlson bildirmişdi ki, ABŞ tərəfindən “Şimal axını” və “Şimal axını 2” dəniz qaz kəmərlərinin partladılması Avropa İttifaqı və NATO-nun dağılmasına səbəb ola bilər. O vurğulayıb ki, “Şimal axını” Almaniya iqtisadiyyatının inkişafı üçün əsas ola bilərdi, lakin onu sarsıtmaq Aİ-ni məhv edəcək. Jurnalistin fikrincə, insanlar illüziyalarından ayılanda NATO da dağılacaq, çünki bu, alyansın bir üzvünün müttəfiqə hücumu idi.
Əvvəllər Mərkəzi Kəşfiyyat İdarəsinin keçmiş analitiki Rey MakQovern bəyan etmişdi ki, bir sıra ölkələrin Rusiya qazının Ukrayna ərazisindən tranzitinin dayandırılmasından narazılığı NATO-nun parçalanması prosesini başlada bilər və alyans cəmi bir neçə ildən sonra fəaliyyətini dayandıra bilər. Analitikin fikrincə, ABŞ-ın yeni seçilmiş prezidenti Donald Tramp gözlənilməz siyasəti ilə NATO daxilindəki ixtilaflara da təsir edə bilər. Bununla əlaqədar MakQovern “NATO bir neçə ildən artıq bizimlə olmayacaq” fərziyyəsini irəli sürdü.
Samir
