Azərbaycan U-21 millisinin baş məşqçisi Samir Əliyev vəzifəsindən ayrılıb.
Bu barədə QOL.az saytına açıqlamasında mütəxəssis özü məlumat verib.
S.Əliyev dekabr ayında AFFA ilə müqaviləsinin başa çatdığını bildirib:
“AFFA-nın mənimlə heç bir danışığı olmadı. Mən hazırda komandanın baş məşqçisi sayılmıram. Müqaviləm yoxdursa, deməli, ayrılmışam. Eşitdiyimə görə, başqa yerli məşqçilərlə görüşüb danışıblar”.
Qeyd edək ki, S.Əliyev 2022-ci ilin iyul ayından Azərbaycan U-21 millisinin baş məşqçisi idi. O, daha əvvəl "Neftçi", "Səbail" və Azərbaycan U-19 millisində də çalışıb
