İstanbulun Eminönü meydanında yerləşən tarixi Misir bazarında (Mısır çarşısı) yanğın baş verib.
Yeniavaz.com xəbər verir ki, bu barədə NTV telekanalı məlumat yayıb.
Məlumata görə, yanğın bazardakı restoranlardan birində baş verib.
Hadisə yerinə çoxlu sayda yanğınsöndürən, polis və təcili yardım heyətləri göndərilib.
Yanğın yanğınsöndürənlərin müdaxiləsi ilə qısa bir vaxtda nəzarət altına alınıb.
4 mərtəbəli binanın birinci mərtəbəsində yerləşən restoranda baş verən yanğının səbəbi açıqlanmayıb.
Yanğında ölən və yaralananların olmadığı bildirilib.
