Prezident İlham Əliyevin imzaladığı sərəncama əsasən, bütün əmək pensiyaları indeksləşdirilərək artırılıb. Qanunvericiliyə uyğun olaraq, pensiya məbləğləri əvvəlki ilin orta aylıq əməkhaqqı artım faizinə əsasən hesablanır.
QHT.az xəbər verir ki, bu il indeksasiya faizi 8.1% təşkil edir. Məsələn, 550 manat pensiya alan vətəndaşın yeni pensiyası 594.55 manat, 400 manat alanın isə 432.4 manat olacaq. Artım pensiyanın bütün növlərinə – yaşa, əlilliyə və ailə başçısını itirməyə görə əmək pensiyalarına şamil edilir.
