Rusiyanın cari hasilat səviyyəsində çıxarıla bilən təbii qaz ehtiyatları 100 ildən çox, neft ehtiyatları isə təxminən 64,5 il ərzində kifayət edəcək.
Bu barədə Rusiyanın təbiət naziri Aleksandr Kozlov məlumat verib.
Hazırda Rusiyada karbohidrogen xammalının geoloji öyrənilməsi, kəşfiyyatı və hasilatı üzrə 4 052 lisenziya qüvvədədir.
Təbiət Nazirliyi xatırladıb ki, dünyada təbii qaz ehtiyatlarının təxminən beşdə biri – 63,5 trilyon kubmetri Rusiyadadır. Ölkə neft ehtiyatlarının həcminə görə, yəni 31,4 milyard tonla beşinci yerdədir”, – məlumatda qeyd olunub.
