Braziliya millisinin sabiq üzvü Marselo karyerasını başa vurub.
Braziliya millisinin və "Real Madrid"in sabiq müdafiəçisi, 36 yaşlı Marselo karyerasını başa vurub.
"Operativ Media" xəbər verir ki, bu haqda sosial şəbəkədə video paylaşılıb.
Marselo 2002-2006-cı illərdə gənclər və böyüklərdən ibarət komandaların oyunçusu olduğu Braziliyanın "Fluminense" klubunun yetirməsidir. Daha sonra "Real Madrid"də 16 mövsüm oynayıb və onunla 6 qat İspaniya çempionu, 2 dəfə kubokun qalibi, 5 qat Superkubok qalibi, 5 qat Çempionlar Liqasının qalibi, 3 dəfə Avropa Superkubokunun qalibi və 4 dəfə Klublararası Dünya Çempionu olub
2022-2023-cü illərdə Marselo Yunanıstanın "Olimpiakos" klubunda çıxış edib. O, ötən mövsümü "Fluminense"də keçirərək Libertadores kubokunu qazanıb.
