Qrip qış aylarında ən çox rast gəlinən xəstəliklərdən biridir və xüsusilə yaşlılar və xroniki xəstəlikləri olan şəxslər üçün təhlükəli ola bilər.
E-saglam.az xəbər verir ki, mütəxəssislər bildirirlər ki, qrip əlamətləri hiss etdiyiniz zaman gecikmədən tədbir görməlisiniz. Qrip sadəcə soyuqdəymə deyil, gülüş doğurmayan bir xəstəlikdir. Qripə qarşı ala biləcəyiniz 10 effektiv ehtiyat tədbiri bunlardır:
1. Əllərinizi tez-tez yuyun
Qrip virusları bədənə əllər vasitəsilə keçə bilər. Ona görə də əllərin tez-tez və düzgün yuyulması virusların ağız, burun və ya gözə keçməsinin qarşısını alır. Əllərinizi yuyarkən virusları bədəninizdən uzaqlaşdırırsınız.
2. Maska taxın
Qrip virusu öskürək və asqırma yolu ilə hava yolu ilə yayıla bilər. İnsanların sıx olduğu yerlərdə və ya qripə yoluxmuş insanlarla yaxın təmasda olduqda maska taxmaqla virusun yayılmasının qarşısını ala bilərsiniz. Maskalar həm sizi, həm də ətrafınızdakıları qoruyur.
3. Evinizi mütəmadi təmizləyin
Qrip virusları evdə tez-tez istifadə olunan səthlərdə uzun müddət yaşaya bilər. Telefonlar, qapı tutacaqları və işıq açarları kimi yerlərin mütəmadi olaraq dezinfeksiya edilməsi virusların yayılmasının qarşısını alır.
4. Sağlam qidalanın və immunitetinizi gücləndirin
İmmunitet sisteminizi gücləndirmək üçün sağlam və balanslı bəslənməyə diqqət edin. C vitamini və sinklə zəngin qidaların qəbulu sizi qripdən qoruya bilər. Meyvə, tərəvəz və bütün taxıllara diqqət yetirin.
5. Kifayət qədər yuxu alın
Kifayət qədər yuxu immunitet sisteminizi güclü saxlayır. Daimi və keyfiyyətli yuxu orqanizminizin viruslarla daha effektiv mübarizə aparmasına kömək edir.
6. Bol su için
Bədənin su balansının qorunması immunitet sisteminin sağlam fəaliyyətini dəstəkləyir. Bundan əlavə, kifayət qədər su içmək bədəninizin virusları effektiv şəkildə təmizləməsinə imkan verir.
7. Ətrafı havalandırın
Bağlı yerlərdə hava sirkulyasiyasının təmin edilməsi virusların konsentrasiyasının qarşısını alır. Təmiz havanı təmin etmək üçün otaqlarınızı gündəlik havalandırın.
8. İnsanların çox olduğu yerlərdən qaçın
Qrip mövsümündə izdihamlı yerlərdən və qapalı məkanlardan qaçınmaq virusa yoluxma riskini azaldır. Xüsusilə qrip hallarının artdığı dövrlərdə ictimai nəqliyyatdan və izdihamlı tədbirlərdən çəkinin.
9. Qripə qarşı peyvənd olun
Qrip peyvəndi müəyyən qrip viruslarına qarşı immunitet təmin edir. Mövcud qrip viruslarına qarşı illik peyvənd ciddi xəstəliklərin və ağırlaşmaların qarşısını ala bilər.
10. Vitamin C qəbul edin
Vitamin C immunitet sistemini gücləndirir və orqanizmi xəstəliklərə qarşı daha davamlı edir. Təbii meyvə və tərəvəzlərdən C vitamini almaq qripə tutulma riskinizi əhəmiyyətli dərəcədə azalda bilər.
Tərcümə: Könül Oruc
