Finlandiya hökuməti Rusiya vətəndaşları üçün daşınmaz əmlak əməliyyatlarını məhdudlaşdıran qanun layihəsini parlamentə təqdim edib. Səbəb kimi milli təhlükəsizliyə təhdid göstərilir.
Bu barədəFinlandiya Müdafiə Nazirliyinin rəsmi saytı xəbər verir.
Finlandiyanın müdafiə naziri Antti Hakkanen qanun layihəsinin finlər üçün bütün mümkün təhlükəsizlik risklərini azaltmaq məqsədilə təqdim edildiyini vurğulayıb.
Sənədə əsasən əmlak alqı-satqısı qadağasının təsirinə məruz qalan ölkə vətəndaşlarının icazə ərizələrinin sayını azaldacaq, səlahiyyətlilərə icazələrin işlənməsi və işləri daha ətraflı araşdırmaq üçün daha çox resurs verəcək.
Eyni zamanda, təklif olunan tənzimləmə Finlandiyada daimi yaşayış icazəsi və Finlandiya dövləti tərəfindən verilmiş eyni AB yaşayış icazəsi olan şəxslərə şamil edilməyəcək. Bu halda şəxsə mövcud icazə qanunu tətbiq olunacaq. Bu o deməkdir ki, şəxs Finlandiyada daşınmaz əmlakı yalnız ölkənin Müdafiə Nazirliyi tərəfindən əmlakın alınmasına icazə verəcəyi təqdirdə ala biləcək.
Bundan əlavə, Finlandiya hakimiyyəti daşınmaz əmlakla bağlı əməliyyatlarda qanundan yayınma riskini azaltmağa çalışır.
Xatırladaq ki, Finlandiya Rusiyaya qarşı sərt mövqe tutur. Belə ki, ölkə prezidenti Aleksandr Stubb bu yaxınlarda bəyan etmişdi ki, Rusiya prezidenti Vladimir Putini razı salmaqdansa, ABŞ prezidenti Donald Trampın etdiyi kimi danışıqlara məcbur etmək lazımdır.
Stubbın sözlərinə görə, Putin yalnız sərt danışığı başa düşür və indi ona belə müraciət etmək lazımdır. O, əmindir ki, Ukraynanın özünün iştirakı olmadan Ukraynada sülhün müzakirəsi riski yoxdur.
Əziz Mustafa, Oxuməni.az
