Bakı, 7 fevral, AZƏRTAC
Bu gün Alyaska ştatının səmasında 10 nəfərin olduğu təyyarə radarlardan itib. Hazırda təyyarənin axtarışları davam edir.
AZƏRTAC “NBC News”a istinadla xəbər verir ki, “Bering Air” şirkətinə məxsus təyyarə Unalakleet şəhərindən Nome şəhərinə uçurdu. Təyyarənin göyərtəsində doqquz sərnişin və bir pilot olub.
Nome Könüllü Yanğın Departamenti hava şəraitinin əməliyyatları məhdudlaşdırdığını, lakin aktiv yerdə axtarışın aparıldığını təsdiqləyib.
Sahil Mühafizəsi bildirib ki, təyyarə sonuncu dəfə Nome hava marşrutunda dənizdən 19 kilometr məsafədə görünüb.
