“Black Sabbath” musiqi qrupunun üzvü Parkinson xəstəliyinə düçar olan məşhur müğənni Ozzİ Ozborn, bu yay İngiltərənin Birmingem şəhərində ilə möhtəşəm final şousu ərəfəsində açıqlama verib. Xəstəliyinin ağırlaşması səbəbindən artıq yeriyə bilmədiyini açıqlayan müğənni, iyulun 5-də rok-qrupu üzvlərinin Villa Parkda vida konserti üçün yenidən bir araya gələcəklərini deyib.
“Sirius XM”də radio şousunda danışan Ozborn, “2025-ci ilə çatmağı bacardım. Mən yeriyə bilmirəm, amma bayram mövsümündə bilirsiniz nə fikirləşmişəm? Bütün şikayətlərimə baxmayaraq, hələ də sağam”, – deyib.
Yeriyə bilmədiyimdən şikayət etsəm də, gələcəyə baxıram və görürəm ki, mənim etdiklərimin yarısını etmədən həyatdan köçən insanlar var.
Müğənninin həyat yoldaşı Şeron “The Sun”a verdiyi müsahibədə, “O, geri qayıtdığına görə çox xoşbəxtdir və bu barədə çox emosionaldır”, – deyib.
“Parkinson xəstəliyi mütərəqqi bir xəstəlikdir. Bu düzəldə biləcəyiniz bir şey deyil. Bədənin müxtəlif hissələrinə təsir edir və ayaqlarına da təsir göstərir. Ancaq səs ən azı əvvəlki kimi yaxşıdır”.
Ötən ilin oktyabrında “Rock & Roll Hall of Fame” konsert salonuna daxil olduqdan sonra böyük qara taxtda oturarkən görüntülənib. 2022-ci ildə Millətlər Birliyi Oyunlarında qısa çıxış edərkən ona söykənməsi üçün metal dayaq verilmişdi.
Elə həmin il müğənni “The Independent” qəzetinə səhnəyə qayıtmaqda qərarlı olduğunu söyləmişdi.
“Gələn yaya qədər fiziki olaraq mümkün olan hər şeyi edəcəm. Özümə tam əminəm. Məni öldürsə belə, səhnəyə qayıdacağam, çünki bunu edə bilməsəm, onsuz da belə olacaq, öləcəyəm. Tamaşaçıları görməyi sevirəm”.
“Metallica”dan “Lamb of God”a qədər ən böyük metal qruplarından bəziləri də “Black Sabbath”ın vida konsertinə qatılacaq və konsertdən gələn gəlir “Cure Parkinson”, Birmingham Uşaq Xəstəxanası və Acorn Uşaq Xəstəxanası arasında bərabər şəkildə bölünəcək.
Heyrətləndirici siyahıda müğənnilər arasında “Slayer”, “Pantera”, “Gojira”, “Alice in Chains”, “Mastodon”, “Anthrax” və “Halestorm” qruplarını da adları var.
Bütün gün davam edəcək konsertdə həmçinin Volfqanq Van Halen, “Limp Bizkit”dən Fred Durst, “The Smashing Pumpkins”dən Billi Korqan və “Faith No More”dan Mayk Bordin də daxil olmaqla dünyanın ən nüfuzlu rok və metal müğənnilərindən ibarət “superqrup”un canlı çıxışları olacaq.
“Başlamağa Dönüş” adlı konsertin biletləri “Sevgililər günü” – 14 fevralda satışa çıxarılacaq.
