Cessi Ayzenberq “Facebook”un həmtəsisçisi Mark Zakkerberqdən uzaq gəzməyə başlayıb: “Mən özümü belə birisi ilə əlaqələndirmək istəmirəm”.
41 yaşlı aktyor Devid Finçerin 2010-cu ildə çəkdiyi “Sosial şəbəkə” filmindəki Zakkerberq obrazına görə Oskar mükafatına namizəd olub.
“BBC Radio 4”ün “Today” proqramında danışan Ayzenberq, özünü belə birisi ilə əlaqələndirmək istəməməsini qismən də olsa, Zakkerberqin həyatının tutduğu istiqamətə əməl etməməsi ilə əlaqələndirib: “Mən böyük qolfçu oynamışam və indi insanlar mənim əla qolfçu olduğumu düşünür. Bu adam problemli işlər görür, faktların yoxlanılmasını aradan qaldırır və təhlükəsizlik narahatlığına səbəb olur. Bu, dünyada onsuz da təhlükə altında olan insanları daha böyük təhlükədə qoyur”.
Zukerberqin hərəkətlərindən narahat olub-olmadığını soruşduqda, Ayzenberq “Mən ancaq qəzet oxuyan biri kimi narahatam. Mən sadəcə bir insanam və siz milyardlarla dolları olan bu insanlar haqqında oxuyursunuz, hər hansı insanın yığdığı puldan daha çox pulları var və onlar bununla nə edirlər? Bunu nifrət dolu şeyləri təbliğ edənlərə xərcləyirlər”, – cavabını verib.
Mən bir filmdə Zakkerberqi canlandıran biri kimi deyil, Nyu Yorkda əlilliyi olan insanlara, hansı ki bu il onların həyatı bir az çətin olacaq, hüququ öyrədən bir qadınla evli olan biri kimi düşünürəm.
Zakkerberqin “Facebook” və “İnstagram”ı idarə edən şirkəti “Meta” bu il fakt yoxlamasını aradan qaldırmağı planlaşdırdığını açıqlayıb.
“Meta”nın müstəqil Nəzarət Şurasının iki üzvü, köşə yazarı və “The Guardian”ın keçmiş redaktoru Alan Rasbridger və romançı Xalid Mansur daha sonra dezinformasiyanın “ictimai inamı sarsıdacağı” barədə xəbərdarlıq edərək əlavə etdilər ki, “Facebook” kimi saytların etibarına təsir “dərinləşə” və geniş vətəndaş iğtişaşlarına səbəb ola bilər.
Ayzenberq “The Independent” qəzetinə verdiyi son müsahibəsində həyat yoldaşı Anna Stroutun xeyriyyəçilik fəaliyyəti haqqında danışıb: “Həyat yoldaşım aktivist ailədəndir”.
Aktyorun qayınanası Tobi Strout məişət zorakılığına qarşı sığınacaq idarə edir, qaynı Entoni Arnov isə qeyri-kommersiya incəsənət təşkilatının həmtəsisçisidir: “Mən ziyalı, solçu bir ailənin kürəkəniyəm və həyat yoldaşım mənim yetkin həyatımda sahib olduğum hər düşüncəni formalaşdırıb. Ona görə də ehtiyacı olanları ayağa qaldıran bütün ictimai hərəkatları dəstəkləyirəm”.
