"Azərişıq" ASC-nin "ASAN Xidmət" mərkəzlərində son 8 il ərzində vətəndaşlara göstərilən xidmətlərin sayı 8-dən 18-ə çatdırılıb. Bunu jurnalistlərə "Azərişıq" ASC-nin Asan Xidmətlə iş və Elektron xidmətlər Departamentinin direktor müavini İnam Yusifov deyib.
"Əvvəl 7 prosedurla aparılan müraciətlər bu gün sadəcə 2 prosedurla yekunlaşır. Nəticədə şəbəkəyə qoşulma prosesləri 41 gündən 20 günə endirilib. Hazırda "Azərişıq” ASC-nin 15 elektron xidməti mövcuddur və bu xidmətlər vasitəsi ilə vətəndaşlar prosedurları onlayn şəkildə idarə edə bilirlər”, - Yusifov deyib.
Onun sözlərinə görə, vətəndaşlarla aparılan prosedurlar daha da asanlaşıb.
Hazırda Qarabağ üzrə "Azərişıq” ASC-nin 5097 abonenti var.
Qarabağda fəaliyyət göstərən şirkətlərin istehsal fəaliyyətini stimullaşdırmaq üçün dövlət tərəfindən bu bölgədə 20%-lik güzəşt prinsipi tətbiq edilir.
