Türkiyənin Adana şəhərində yaşadığı binanın dayanacağında avtomobilindən düşərkən naməlum şəxs tərəfindən silahla hücuma məruz qalan Saltuk Buğra Keçebaş həyatını itirib.
Medianews.az xəbər verir ki, araşdırmalar zamanı Saltuk Buğra Keçebaşın bir müddət əvvəl çəkdiyi video ilə “Bayğara” cinayət təşkilatının liderini hədələdiyi üzə çıxıb.
O, Bayğara” cinayət təşkilatının lideri Ramazan Bayqaranı video çəkərək təhdid edib.
S.B.Keçebaş bədəninin müxtəlif nahiyələrinə dəyən çoxsaylı güllələrdən ağır yaralanıb. Şübhəli hadisə yerindən qaçıb. Hadisə yerinə gələn təcili yardım Keçebaşı xəstəxanaya çatdırıb. Çoxlu qan itirən Keçebaşı həkimlərin bütün müdaxiləsinə baxmayaraq xilas etmək mümkün olmayıb. Hadisə ilə bağlı araşdırma başlanıb. Şübhəlinin tutulması istiqamətində işlər davam etdirilir.
Medianews.az
