2025-ci ilin yanvar ayında Rusiya Federasiyasının beynəlxalq (qızıl-valyuta) ehtiyatlarının həcmi 11,696 milyard dollar və ya 1,9% artaraq 609,068 milyard dollardan 620,764 milyard dollara çatıb.
Yenisabah.az Interfax-a istinadla xəbər verir ki, ehtiyatlardakı monetar qızılın dəyəri yanvarda 10,819 milyard dollar və ya 5,5% artaraq 206,526 milyard dollar olub.
Ehtiyatlarda qızılın payı fevralın 1-nə yanvarın 1-dəki 32,1%-dən rekord həddə - 33,3%-ə yüksəlib.
2022-ci ildə Qərb ölkələrinin ona qarşı tətbiq etdiyi sanksiyalardan sonra Rusiya Bankı qızıl-valyuta ehtiyatlarının əhəmiyyətli bir hissəsini idarə etməkdə məhdudlaşır. Ehtiyatların qızıl və Çin yuanındakı aktivlərdən ibarət hissəsi məhdudiyyətlərə məruz qalmayıb. Ehtiyatların dinamikasında əsas amillər ABŞ dollarına nisbətdə yenidən qiymətləndirmə nəticəsində ehtiyat aktivlərin dəyərindəki dəyişikliklər, həmçinin büdcə qaydası çərçivəsində həyata keçirilən əməliyyatlar və Milli Rifah Fondu ilə aparılan əməliyyatlardır.
Beynəlxalq ehtiyatlar Rusiya Bankı və Rusiya Federasiyası Hökumətinin sərəncamında olan yüksək likvidli xarici aktivləri təmsil edir. Onlar xarici valyuta aktivlərindən, monetar qızıldan, xüsusi borc almaq hüquqlarından (SDR, Beynəlxalq Valyuta Fondu, BVF tərəfindən istifadə edilən hesab vahidi), BVF-dəki ehtiyat mövqeyi və digər ehtiyat aktivlərdən ibarətdir.
Telegram kanalımız
