Azərbaycan Basketbol Liqasında XIV tur davam edir.
Fanat.Az xəbər verir ki, turun dördüncü günündə bir matç baş tutub.
“Sərhədçi” İdman Mərkəzində keçirilən yeganə qarşılaşma A qrupunda baş tutub. Son çempion “Sabah” ilə autsayder NTD arasında matçda sürpriz yaşanmayıb. Rimas Kurtinaytisin komandası 96:85 hesablı qələbəyə sevinib.
"Bayquşlar" bu qələbə sayəsində yenidən 1-ci pilləni ələ keçirib.
XIV turun daha əvvəl keçirilən matçlarında "Neftçi" "Sərhədçi"ni 82:67, "Naxçıvan" "Abşeron"u 76:70, "Quba" "Sumqayıt"ı 90:80 hesabı ilə məğlub edib.
Tura fevralın 8-də keçiriləcək oyunlarla yekun vurulacaq.
