Daşlar və kondisioner  güclü güləkdən  marketin divarından yerə düşdü

Bakıda bir neçə gündür ki, hava soyuq keçməklə yanaşı, həm də güclü külək əsir.

Bu barədə Ekologiya və Təbii Sərvətlər Nazirliyi öncədən əhaliyə lazımi xəbərdarlığı etmişdi. Bununla bərabər Fövqəladə Hallar Nazirliyi də  Bakıdakı küləklə  bağlı insanlara maarifləndirtici məlumat vermişdi. Məlum qurum bildirmişdi ki, iri gövdəli ağacların altında insanlar avtomobil saxlamasın, reklam lövhələrinin, yüksək mərtəbəli binalrın yanından keçərkən adamlar ehtiyatlı  olsunlar.

Bu xəbərdarlığa baxmayaraq, yenə bəzi insanlar ona əhəmiyyət verməyib, maşınları iri gövdəli ağacların altında saxlayıb və nəticədə  güclü külək o ağacları onun altında dayanan maşının üstünə aşırıb.  Fevralın 7- də də Yeni Günəşlidə güclü külək əsib və bu dəqiqələrdə  güclü külək əsməkdədir.  

Möhkəm külək Yeni Günəşli yaşayış sahəsinin " D" massivindəki 13 nömrəli binanın birinci mərtəbəsində yerləşən" OBA" mağazasının çöl divarındakı kondisioneri və  divardakı örtük daşları qoparıb yerə salıb. Xoşbəxtlikdən həmin dəqiqələrdə  ordan insan keçməyib, əks-təqdirdə həmin daş parçaları kiminsə başına düşə bilərdi.Yerə düşən kondisioner mağaza işçiləri tərəfindən hadisə yerindən götürülsə də , amma daş parçaları hələ də həmin yerdə qalır!