Bakı,TurkicWorld
Şotlandiyanın Argyll şəhərində yerləşən Loch Long gölü plastik tullantıların toplanma mərkəzinə çevrilib.
TurkicWorld xəbər verir ki,güclü küləklər və su axınları Qlazqodan gələn zibilləri Arrochar sahillərinə yuyaraq bu bölgədə ciddi ekoloji problemlər yaradıb.
Məlumata görə, hər il bu çimərlikdə təxminən 62 min ədəd tullantı yığılır.
Lokal icma sahilə yığılan zibilləri təmizləməkdə çətinlik çəkir. Plastik tullantılar dəniz yosunu ilə qarışaraq kənd təsərrüfatında istifadə edilən yosunların təkrar emal edilməsinə mane olur. Ekoloji fəallar problemin köklü həllinin tullantıların suya qarışmasının qarşısını almaq olduğunu vurğulayırlar.
Şotlandiya hökuməti butulka və bankalar üçün geri qaytarılması sisteminin tətbiqini planlaşdırsa da, biznes dairələrinin şüşə butulkaların sistemə daxil edilməsinə qarşı çıxması səbəbindən bu plan 2023-cü ilə qədər təxirə salınıb.
İrlandiya isə bir il əvvəl bu sistemi tətbiq edib və indiyədək təxminən 1 milyard içki qabı toplayıb. Burada istehlakçılar plastik şüşə və ya banka başına 15 sent depozit ödəyir və geri qaytardıqda bu məbləği geri alırlar. Əvvəlcə bəzi pərakəndə satıcılar sistemə qarşı çıxsalar da, sonradan bunun mağaza trafikini artırdığı bildirilib.
Şotlandiyada təkrar emal nisbəti son 10 ildə demək olar ki, dəyişməyib. 2014-cü ildə 42,9% olan bu göstərici, 2023-cü ildə cəmi 43,5%-ə yüksəlib. Hökumət isə depozit sisteminin tətbiqi ilə bu rəqəmi 90%-ə çatdırmağı hədəfləyir.
Şotlandiya, İngiltərə və Şimali İrlandiyada sistemi idarə edəcək şirkətlər üçün müraciət prosesi artıq başa çatıb. Şotlandiya hökuməti sistemin 2027-ci ilə qədər tətbiq olunacağını bildirib.
