London Universitet Kollecinin tədqiqatçıları heyvanların və insanların instinktiv qorxusunu necə dəf etdiyini aşkar edən dəqiq beyin mexanizmini müəyyən ediblər. Science jurnalında dərc olunan iş, narahatlıq pozğunluqları, fobiyalar və post-travmatik stress pozğunluğunun (PTSP) müalicəsi üçün yeni perspektivlər açır.Dr. Sara Mederos və professor Sonya Xoferin rəhbərlik etdiyi tədqiqatçı komandası, siçanlar üzərində potensial təhdidə qarşı adaptasiya prosesini öyrənib. Təcrübədə gəmiricilərə yuxarıdan genişlənən kölgə göstərilib ki, bu da yaxınlaşan yırtıcını simulyasiya edir. Əvvəlcə siçanlar sığınacağa qaçdılar, amma zamanla təhlükənin olmadığını anlayaraq stimula reaksiya verməməyə başladılar.Bu proses tədqiqatçılara qorxunun necə basıldığını müəyyən etmək üçün hansı beyin sahələrinin cavab verdiyini izləməyə imkan verdi. Məlum oldu ki, bu prosesdə əsas rolu görmə qabığı və ventrolateral genikulyar nüvə oynayır. Alimlər aşkar ediblər ki, görmə qabığı qorxunu basdırmağı öyrənmək üçün lazımlıdır, lakin öyrənildikdən sonra o, əsas rol oynamır. Genikulyar nüvə — beyinin alt kortikal strukturu — bu öyrənməni yaddaşda saxlayır və qorxu reaksiyalarını tənzimləyir.Öyrənmə prosesi endokannabinoidlərin — əhval-ruhiyyəni və yaddaşı tənzimləyən siqnal molekullarının — ifrazı ilə müşayiət olunur. Bu, genikulyar nüvə ilə əlaqəli inhibəedici siqnalları azaldır və qorxunu basdıran neyronları aktivləşdirir.Səidə
Diqqət Çəkənlər
Mətbəxin sirri - Analar üçün
Heç Kim Ona İnanmırdı… O, Azərbaycan Tikinti Sektorunda Yeni Dövr Açdı
FHN: Ötən gün 9 nəfər xilas edilib
