Meydan sahiblərinin aparıcı oyunçularından Ramon Maçado zədələndi. 10-cu dəqiqədə rəqibin futbolçusu ilə toqquşan braziliyalı hücumçu ayağa qalxa bilmədi. Həkimlərin müdaxiləsindən sonra 13-cü dəqiqədə onu meydandan xərəkdə çıxardılar.
“Araz-Naxçıvan”ın mətbuat xidmətinin rəhbəri Mahal Məmmədovdan Maçadonun sağlıq durumunu soruşduq. Onun “Football-plus.az”a cavabı:
“Maçado rentgen olundu. Sümüklə bağlı qırıq və ya çıxıq yoxdu. Topuğunda şiş var. Azı iki həftə komandaya kömək edə bilməyəcək”.
ƏSƏD SEYİDOV
