Azərbaycanlı karateçi 52-ci Avropa çempionatının finalında qızıl medal uğrunda mübarizə aparacaq.
İdman.biz xəbər verir ki, Ələddin Məlikov (-68 kq) 16-17 yaşlı gənclər arasında keçirilən yarışda bu şansı əldə edib.
Ələddin həlledici görüşdə Yigit Halici Ahmetlə üz-üzə gələcək. O, finala gedən yolda, portuqaliyalı, isveçrəli, çexiyalı və gürcüstanlı rəqiblərini mübarizədən kənarlaşdırıb.
Qeyd edək ki, Polşanın Bielsko-Biala şəhərində keçirilən yeniyetmə və gənclərin Avropa çempionatı fevralın 9-dək davam edəcək.
İdman.biz
