"BP" (BP.L) Almaniyadakı "BP Gelsenkirchen" neft emalı zavodunu satmağı planlaşdırır.
Valyuta.Az "Reuters"ə istinadən xəbər verir ki, bu barədə şirkət cümə axşamı açıqlama verib. Bu addım, baş icraçı direktor Mürrey AkinKlosun "BP"nin xərclərini ən azı 2 milyard dollar azaltmaq planının bir hissəsidir.
"BP daha sadə, daha fokuslanmış və yüksək dəyərə malik bir şirkət kimi böyüməyə hazırlaşarkən qlobal portfelini daim idarə etməlidir", – "BP"nin müştərilər və məhsullar bölməsinin icraçı vitse-prezidenti Emma Delani bildirib.
Şirkət daha əvvəl zəifləmiş tələbat proqnozuna görə bu ildən etibarən "Gelsenkirchen" zavodunda xam neft emalı gücünü təxminən üçdə bir azaltmağı planlaşdırdığını açıqlamışdı.
"BP Europa SE" zavodu – rəsmi adı ilə "Ruhr Oel GmbH (ROG) – BP Gelsenkirchen" – və ona aid aktivləri, o cümlədən ixtisaslaşmış həlledici məhsullar istehsal edən "DHC Solvent Chemie GmbH" şirkətini satışa çıxarmağı planlaşdırır.
1935-ci ildə inşa edilən neft emalı kompleksi iki zavod və bir neft-kimya obyektindən ibarətdir və ildə təxminən 12 milyon ton xam neft emal gücünə malikdir.
AkinKlos ötən il bildirmişdi ki, 2026-cı ilin sonunadək "BP"nin xərclərini ən azı 2 milyard dollar azaltmaqla gəlirləri artırmaq və investorların enerji keçidi strategiyasına dair narahatlıqlarını aradan qaldırmaq niyyətindədir.
Yanvar ayında digər qlobal neft emalçılarının da mənfəət marjalarının azalması fonunda yaxın perspektivdə gəlirlərin yaxşılaşması ilə bağlı nikbin gözləntiləri az olub.
"BP" satış prosesini 2025-ci ilə qədər yekunlaşdırmağı hədəfləyir və bu müddət ərzində zavodun adi rejimdə fəaliyyətini davam etdirəcəyini bildirib.
Rəhim
