ABŞ Yaxın Şərq Nümayəndəsinin müavini Morqan Ortaqus İsrailin fevralın 18-dək Livandan çəkilməyi öhdəsinə götürdüyünü açıqlayıb: “Bu, mənim Milli Təhlükəsizlik Şurasındakı tərəfdaşım Erik Traqer, Livan və İsrail hökumətləri ilə apardığım müzakirələrin bir hissəsi idi”.
Fevralın 18-i İsrail Ordusunun geri çəkilməsini tamamladığı və təbii ki, Livan Ordusunun gəlib yenidən yerləşəcəyi tarix olacaq: “Biz bu tarixə ciddi sadiqik”.
ABŞ rəsmisi ölkəsinin “Hizbullah” terror təşkilatının Livan xalqını terrora məruz qoymasının, o cümlədən hökumətə qoşulmasının qarşısını almaq üçün üzərindən qırmızı xətlər çəkdiyini vurğulayıb və təşkilatın “bitirdiyini” bildirib. O, terrorçuları məğlub etdiyi üçün ölkəsinin İsrailə minnətdar olduğunu deyib.
Morgan Ortaqusun bəyanatı Livanda hökumət qurmaq səylərində çaşqınlıq yaradıb. Prezidentliyə namizəd Nevvaf Selam axşam saatlarında prezident Cozef Avni ziyarət edib və heç bir açıqlama vermədən ayrılıb. Morqan Ortaqusun üzərində “David Ulduzu” loqosu və “İsrailə təşəkkür” yazılmış üzük taxması “Hizbullah”ı qəzəbləndirib. Terror təşkilatının tərəfdarları buna etiraz əlaməti olaraq küçələrə çıxıb. Deputat Məhəmməd Raad, Ortaqusun açıqlamalarının “Livanın daxili işlərinə açıq-aşkar müdaxilə” kimi dəyərləndirib.
