İsrail HƏMAS ilə razılaşmanın şərtini yerinə yetirərək qoşunlarını Qəzza zolağının mərkəzindən çıxarıb.
Senzor.az bildirir ki, bu barədə İsrail KİV-i məlumat yayıb.
Məlumata görə, İsrail qoşunları artıq Mərkəzi Nezarim dəhlizi ərazisindən çıxarılıb.
Hazırda İsrail qüvvələri Qəzzanın Misir ilə sərhədində, o cümlədən "Rəfah" keçid məntəqəsinin yerləşdiyi ərazidə və sektorun bütün sərhədləri boyunca təhlükəsizlik bufer zonasında yerləşdirilib.
HƏMAS hərəkatı da İsrail hərbi qüvvələrinin Qəzzanın şimal və cənub hissələrini ayıran Nezarim koridorundan çıxdığını təsdiqləyib.
