Türkiyənin Elazığ bölgəsində “Vanspor”un komanda avtobusu daşlı hücuma məruz qalıb.
“Demokratikmusavat.com” Türkiyə KİV-ə istinadən xəbər verir ki, hadisə “Elazığspor”un 2:1 hesablı qələbəsi ilə başa çatan “Elazığspor”-“Vanspor” matçından sonra baş verib.
Hadisə zamanı avtobusda olan 3 nəfər yaralanıb.
Hücumla bağlı Elazığ valisi Numan Hatipoğlu açıqlama verib:
“Meydanda baş verənlər meydanda qalmalı, idmanın birləşdirici və qardaşlığı gücləndirən ruhundan yayınmamalıdır. Ancaq təəssüf ki, “Vanspor”un şəhərimizdən ayrılması zamanı heç istəmədiyimiz daşqalaq hadisəsi baş verdi”.(Qafqazinfo)
