"Benfika"nın futbolçusu Benxamin Rolheyser "Santos"a keçir.
QOL.az xəbər verir ki, bu barədə insayder Fabrizio Romano məlumat yayıb.
Braziliya klubu artıq argentinalı hücumçu ilə şifahi razılıq əldə edib. Hazırda tərəflər sözləşmənin rəsmiləşdirməsi üzrə çalışırlar. "Santos" 24 yaşlı futbolçunun transferi üçün 11 milyon avro ödəyəcək. Həmçinin Portuqaliya klubu onun gələcək satışının məbləğindən 15 faiz gəlir əldə edəcək.
Qeyd edək ki, Benxamin Rolheyser bu mövsüm "Benfika"nın heyətində 18 oyuna çıxaraq 1 qol vurub və 1 qolun ötürməsini edib.
