“Rusiya tərəfi Azərbaycan ilə Ermənistan arasında münasibətlərin normallaşmasına kömək etməkdə qərarlıdır”.
Missiya.Az xəbər verir ki, bunu Rusiyanın Ermənistandakı səfiri Sergey Kopirkin deyib.
Onun sözlərinə görə, Moskva Ermənistan-Rusiya ikitərəfli dialoqunun gündəliyində regional təhlükəsizlik məsələlərinə əsas diqqət yetirir.
“Rusiya 2020-2022-ci illərdə Rusiya, Ermənistan və Azərbaycan liderlərinin əldə etdiyi üçtərəfli razılaşmaların inkişafında, o cümlədən, balanslaşdırılmış və qarşılıqlı məqbul sülh müqaviləsinin müddəalarının işlənib hazırlanmasında, sərhədlərin delimitasiyası və demarkasiyası, eləcə də ikitərəfli münasibətlərin bütün istiqamətlərdə normallaşdırılması üçün lazımi dəstəyi göstərməkdə qərarlıdır”, - deyə diplomat vurğulayıb.
Daşqın HəsənovMissiya.Az
