"Beşiktaş" ekvadorlu futbolçu Keny Arroyonu transfer edib.
"Operativ Məlumat Mərkəzi-OMM" xəbər verir ki, bu barədə klub rəsmi açıqlama yayıb.
Futbolçunun transfer haqqının 50 faizini "İndependiente del Valle"dən alan "Beşiktaş" futbolçunun hüquqlarının bu hissəsinə görə Ekvador komandasına 5 milyon avro ödəyəcək.
Türkiyə klubu futbolçunun transfer haqqının 30 faizini almaq istəsə, Ekvador komandasına daha 2,5 milyon avro ödəyəcək.
Digər tərəfdən, 4,5 illik müqavilə imzalanan 18 yaşlı futbolçu bu mövsümün qalan hissəsində "Beşiktaş"dan 400 min avro maaş alacaq.
"Beşiktaş" futbolçuya qalan illərdə illik 800 min avro maaş ödəyəcək.
18 yaşlı ekvadorlu cinah yarımmüdafiəçisi bu mövsüm "İndependiente del Valle"nin heyətində 48 matçda 6 qol vurub, 8 məhsuldar ötürmə edib.
