ABŞ-ın keçmiş prezidenti Donald Tramp milyarder İlon Maska qarşı siyasi mübarizəyə başlaya bilər...
Poliqon xəbər verir ki, bu barədə The Guardian nəşrinə müsahibəsində amerikalı siyasi fəaliyyət komitəsi Lincoln Project-in həmtəsisçisi Rik Uilson bildirib.
"Sonda onlar qarşı-qarşıya gələcəklər. Tramp görsə ki, İlon ona siyasi ziyan vurur, bir anda əlaqələri kəsəcək. Bu, cəmi bir neçə saniyə çəkəcək. Tramp sorğularda Maskın onu aşağı çəkdiyini anlayan kimi - son həftələrdə İlon inanılmaz dərəcədə qeyri-populyar olub - milyarder çətin vəziyyətə düşəcək", deyə Uilson vurğulayıb.
The Guardian qeyd edir ki, Maskın 426 milyard dollarlıq sərvəti Trampın var-dövlətindən qat-qat üstündür və onun X sosial şəbəkəsi vasitəsilə böyük güc və təsir imkanlarına malikdir. Mühafizəkar yazar və televiziya aparıcısı Çarli Sayks də məsələyə münasibət bildirərək, Trampın Maskla qarşıdurmadan qaça bilməyəcəyini deyib:
"İlon Maskın artıq öz güc bazası var. Onun şəxsi pərəstişkar kütləsi formalaşıb. Bir nöqtədə bu iki böyük eqo toqquşacaq".
Fevralın 7-də Time jurnalı Maskın Ağ Evdə, ABŞ prezidentinin masası arxasında əyləşdiyi fotonu dərc edib. Jurnal vurğulayıb ki, indiyə qədər heç bir fərdi şəxs ABŞ hökumət aparatına bu qədər təsir göstərməyib.
Poliqon.info
