Avropa İttifaqı ölkələrində yeraltı qaz anbarlarının dolumluluq səviyyəsi 49%-ə enib.
Bu barədə “APA-Economics” Avropa Qaz İnfrastruktur Operatorları Assosiasiyasına (Gas Infrastructure Europe, GIE) istinadən xəbər verir.
Məlumata görə, Aİ ölkələrində anbarların dolumluluq səviyyəsi 49,02% təşkil edir, bu da son beş il ərzində bu tarix üçün orta göstəricidən 8,12 faiz bəndi azdır.
Qeyd olunur ki, Aİ ölkələri istilik mövsümü başlayandan bəri yeraltı anbarlardan təxminən 54 mlrd. Kubmetrdən çox qaz çıxarıb. Avropada istilik mövsümü 29 oktyabr 2024-cü ildə başlayıb.
Bildirilir ki, hazırda anbarlardakı qazın ümumi həcmi 54,4 mlrd. kubmetrə yaxındır.
Xatırladaq ki, 2020-ci il dekabrın 31-dən Trans-Adriatik boru kəməri (TAP) vasitəsilə Avropaya Azərbaycan qazının nəqlinə başlanılıb.
