1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Macarıstanın "Ferentsvaroş" klubu "Qarabağ"ın hücumçusu Leandro Andradeyə elçi düşüb.
Oxu.Az APA-ya istinadən xəbər verir ki, Leandro Andrade komandanı tərk etmək üzrədir.
O, Macarıstanın "Ferentsvaroş" klubunun transfer siyahısına düşüb. Budapeşt təmsilçisinin yarımmüdafiəçini yaxından izlədiyi bildirilir.
Macarıstanlılar hələlik gözləmə mövqeyindədirlər. Klub rəhbərliyi rəsmi təklif üçün yaya qədər gözləyəcək. Transfer pəncərəsində "Ferentsvaroş"un Andrade üçün "Qarabağ"a təklif göndərəcəyi bildirilir.
Qeyd edək ki, daha öncə "Qarabağ"ın yarımmüdafiəçisi Julio Romao "Ferentsvaroş" klubuna transfer olunmuşdu.
