Amerika Birləşmiş Ştatlarının prezidenti Donald Tramp Kanadanın ölkəsinin 51-ci ştatı olmasının "daha yaxşı" olacağını bildirib.
Donald Tramp “Fox News” kanalına verdiyi açıqlamada "Kanadanın 51-ci ştat olması çox daha yaxşı olardı, çünki Kanada ilə illik 200 milyard dollar itiririk. Mən bunun baş verməsinə icazə verməyəcəyəm. Niyə biz Kanadaya subsidiya kimi ildə 200 milyard dollar ödəyirik?" deyə sual verib.
O, həmçinin Kanada və Meksikanın gömrük rüsumlarını dayandırmaq üçün kifayət qədər tədbir görmədiyini bildirib. ABŞ prezidenti "Xeyr, bu yetərli deyil. Nəsə baş verməlidir. Bu, davamlı deyil və mən bunu dəyişdirirəm" ifadələrini işlədib.
