Olaylar.az xəbər verir ki, onların sözlərinə görə, bu məsələ ilə bağlı son günlərdə keçirilən görüşlər heç bir nəticə verməyib.
1 yanvar tarixindən etibarən dövriyyə vergisi 5%-dən 10%-ə yüksəldilib. Etirazçılar yeni vergi qaydalarının kiçik və orta biznes üçün böyük yük olduğunu və hökumətlə keçirilən görüşlərin heç bir fayda vermədiyini bildiriblər. Aksiya iştirakçılarından biri, "Bizə deyildi ki, tətbiq edilən vergi qaydaları ləğv edilməyəcək. Bizim tələblərimiz isə bu qərarın geri alınmasıdır," - deyə bildirib.
Etirazçılar hökumətin vergiləri ödəmək istəməyən biznes sahibləri kimi təqdim etməsinin yanlış olduğunu vurğulayıblar. Onların fikrincə, vergi yükünün artması ciddi problemlərə, nəticədə isə kiçik və orta biznesin bağlanmasına səbəb olacaq.
Hökumət nümayəndəsi, Baş nazir Aparatının Vətəndaşlarla Əlaqə Departamentinin rəhbəri Qamlet Nazaryan etirazçılara məsələləri yenidən müzakirə etməyi və təkliflərini hökumətə təqdim etməyi təklif edib. Nazaryan, "Biz bütün məsələləri nəzərdən keçirəcəyik, əgər problemlər yaranarsa, həll tapacağıq," - deyə bildirib.
Kiçik və orta biznesin əməkdaşlığı Assosiasiyasının rəhbəri Akop Avakyan Nazaryanın sözlərindən narazı qaldığını və hökumətin əvvəlcə qərarlar qəbul edib sonra nəticələrini araşdırmasını tənqid edib.
