Ürək sağlamlığı ilə bağlı cəmiyyətdə geniş yayılmış bir sıra miflər darmadağın olub.
Publika.az xəbər verir ki, yüksək kateqoriyalı ürək-damar cərrahı Dmitri Nekrasov "Life.ru" ilə söhbətində bu barədə danışıb.
Mütəxəssis ürək xəstəliklərinin guya yalnız yaşlı insanlarda müşahidə olunduğunu, əslində isə daha gənc yaşlarda stress və siqaret, spirtli içki kimi pis vərdişlər nəticəsində də baş verdiyini söyləyib. O, həmçinin, artıq çəkinin ürəyə təsir etdiyini, hər artıq kiloqramın əsas orqanın yükünü artıraraq infarkt riski ilə üz-üzə qoyduğunu bildirib.
Nekrasov "alkoqol ürək-damar xəstəliklərindən qoruyur" mifini də dağıdıb. Qeyd edib ki, spirt qorumur, əksinə, vəziyyəti daha da pisləşdirir və istənilən dozada onun tərkibində ürəyə və qan damarlarına mənfi təsir göstərən toksinlər var. O bildirib ki, profilaktika məqsədi ilə nadir hallarda bir stəkan şərab bəs edər.
Cərrah qeyd edib ki, bütün yağlar ürək üçün zərərlidir. Heyvan mənşəli doymuş yağların qan damarlarında, o cümlədən koronar arteriyalarda aterosklerotik lövhələrin çökməsinə kömək edir. Lakin tərkibində omeqa-3 olan bitki yağları və balıq yağı öz növbəsində "pis xolesterin" səviyyəsini azaldır. Bununla belə, ekspert onlardan çox istifadə etməməyi məsləhət görür.
Mütəxəssisin fikrincə, orta dərəcədə fiziki fəaliyyət, xüsusən də gəzinti, üzgüçülük və ya velosiped sürmək ürək üçün intensiv məşqlərdən qat-qat yaxşıdır. O, həmçinin stasionar velosipeddə idman etməyin və təmiz havada gəzməyin faydalarını qeyd edib.
