Baltik dənizinə çıxışı olan Aİ ölkələri Rusiyanın “kölgə donanması”na daxil olan gəmilərin kütləvi saxlanmasına imkan verəcək hüquqi tədbirlər hazırlayır. Bu barədə “Politico” qəzetinə avropalı rəsmilər və diplomatlar bildiriblər.Bildirilir ki, yeni qanunvericilik gəminin ətraf mühitə vurduğu zərərə görə və dənizin altındakı kabellərə və dənizdəki digər kritik infrastruktura zərər verdiyinə görə həbs edilməsinə icazə verəcək. Nəşrin mənbələri qeyd ediblər ki, sonuncu halda tankerlərin saxlanılması üçün əsas piratçılığa qarşı mübarizə olacaq.Onların məlumatına görə, bir sıra Aİ ölkələri, xüsusilə Litva və Estoniya da etibarlı dəniz sığortaçılarının siyahısını yaratmağı planlaşdırır: əgər gəmi bu siyahıya daxil olmayan şirkət tərəfindən sığortalanıbsa, o, saxlanılacaq. "Mövcud beynəlxalq konvensiyalardan istifadə etmək çətindir. Bizim daha qətiyyətli hərəkət etmək üçün kifayət qədər imkanlarımız var və biz bunu Aİ səviyyəsində edəcəyik", - Estoniyanın xarici işlər naziri Marqus Tsahkna nəşrə bildirib.Litvanın müdafiə naziri Dovile Şakaliene bildirib ki, gəmilərin saxlanması əsaslı addım olacaq: “Sanksiyaya məruz qalan gəmilər dənizlərdə dinc və maneəsiz üzə bilməməlidir".
