Almaniyada Türkiyə vətəndaşı qadına hücum edilib.
Gundem.az türk mətbuatına istinadla xəbər verir ki, Türkiyə vətəndaşı Gülay Oğuz Şimali Reyn-Vestfaliya əyalətinin Voerde şəhərində pizza aldıqdan sonra evə qayıdarkən yaşadığı binanın qarşısında bıçaqlanıb.
Duysburq polisinin verdiyi açıqlamaya görə, yerli vaxtla saat 19:45 radələrində naməlum şəxs tərəfindən bıçaqlanan 52 yaşlı Gülay hadisə yerində ölüb.
Prokurorluq ölümün dəqiq səbəbinin müəyyən edilməsi və istintaqa işıq salacaq dəlillərin əldə edilməsi üçün Şimali Reyn-Vestfaliya əyalətində Oğuzun yarılmasının aparılacağını açıqlayıb.
Araşdırmalar davam edir.
