Ajans.az xəbər verir ki, ölümcül xərçəng xəstəliyindən əziyyət çəkən 67 yaşlı Şirli Nann əlil oğlu Stiveni və özünü öldürüb.
İllərdir oğluna qulluq edən Nann xərçəng diaqnozu qoyulduqdan bir ay sonra bu ağrılı qərarı verib. İngiltərənin Tissayd bölgəsində baş verən faciəvi hadisədə günlərinin sayılı olduğunu öyrənən ana əlil oğlunu və özünü həyatdan qoparıb. Hadisə ilə bağlı dərc edilən “Məişət Cinayəti İstintaqı”nda ananın qərarının arxasında duran səbəblər araşdırılıb.
67 yaşlı Şirli Nann 11 yaşında baş vermiş dəhşətli qəzadan sonra ağır beyin zədəsi, ağır əqli və fiziki qüsurlar keçirən 50 yaşlı oğlu Stivenə xüsusi qayğı göstərib. 2021-ci ilin iyulunda üçüncü mərhələdə xərçəng diaqnozu qoyulan Nann, bir ay sonra xəstəliyinin sağalmaz olduğunu öyrənib.
Məlum olub ki, Şirli Nann Midlsbro ştatının Brambles Farm qəsəbəsindəki evində reseptlə verilən dərmanları həddindən artıq dozada qəbul edərək özünü və oğlunu öldürüb. Ana və oğlunun cəsədləri Stivenin otağında qohumu tərəfindən tapılıb.
İstintaq Şirli Nannın "sevgili və qayğıkeş" ana olduğunu və ailəsindən böyük dəstək aldığını öyrənib. Hesabatda həmçinin Nanın ölümcül xərçəng diaqnozundan sonra ona göstərilən emosional dəstəyin olmaması vurğulanır və ana oğluna qulluq etmək üçün başqa variantları görə bilmədiyi üçün özünü çarəsiz hiss edib.
