Naxçıvanda ağır yol-nəqliyyat hadisəsi baş verib.
APA-nın Naxçıvan bürosu xəbər verir ki, hadisə Naxçıvan-Sədərək magistral yolunda, Şərur rayonu ərazisində qeydə alınıb.
68-BD-567 dövlət nömrə nişanlı "Mercedes" markalı avtomobil idarəetməni itirərək yoldan çıxıb və aşıb. Qəza zamanı 5 nəfər Şərur sakini - 1949-cu il təvəllüdlü Şirəliyeva Surna İsa qızı, 1954-cu il təvəllüdlü Hüseynova Roza İsa qızı, 1976-ci il təvəllüdlü Əliyev Hicran Musa oğlu, 1978-ci il təvəllüdlü Şirəliyeva Könül Mirismayil qızı və 2001-ci təvəllüdlü Şirəliyev Ümid Hicran oğlu xəsarət alıb.
Onlar Şərur Mərkəzi Xəstəxanasına yerləşdiriliblər.
Hadisə yerinə polis əməkdaşları cəlb edilib.
Faktla bağlı araşdırma aparılır.
