Neft nəhəngi bp-nin səhmləri bu gün erkən ticarətdə 7 faiz dəyər qazanaraq avqust ayından bəri ən yüksək səviyyəyə çatıb. Mənbələrə görə, "Elliott Management"in şirkətdə pay alıb. bp səhmlərin də bahalaşması aktivist investor "Elliott Management"in şirkətdə pay topladığının aşkarlanmasından sonra baş verib.
Ötən il BP-nin səhmləri təxminən 16 faiz, digər enerji nəhəngləri Shell səhmləri təxminən 4 faiz, ExxonMobil səhmləri isə 8 faiz ucuzlaşıb.
BP-nin rəqibləri ilə müqayisədə zəif fəaliyyət göstərir. Yeni investorun ən azı Şirkətin sədrinin dəyişdirilməsini tələb edəcəyi gözlənilir.
BP-nin baş direktoru Murray Auchincloss investorların inamını bərpa etməyə çalışır. Keçmiş baş direktor Bernard Looney 2023-cü ilin sentyabrında işçilərlə münasibətlərini açıqlamadığı üçün istefa verdikdən sonra şirkətin strategiyası yenidən formalaşdırılır.
ABŞ-da yerləşən "Elliott" BP-ni transformasiya tədbirlərini nəzərdən keçirməyə təşviq etməklə, səhmdarların dəyərini artırmağı hədəfləyir. Bloomberg-in şənbə günü verdiyi xəbərə görə, Elliott-un BP-dəki payı "əhəmiyyətli" olaraq xarakterizə edilib.
Mənbə payın ölçüsü ilə bağlı məlumat verməyib, BP və Elliott isə məsələ ilə bağlı şərh verməkdən imtina ediblər.
"Elliott İnvestment Management" Amerikanın investisiya idarəçiliyi şirkətidir. "Elliott" həm də dünyanın ən böyük aktivist fondlarından biridir.
