Rusiya Böyük Britaniyadakı səfiri Andrey Kelin əmindir ki, London 2018-ci ildə "Novichok" zəhəri ilə zəhərlənmiş keçmiş GRU zabiti Sergey Skripal və onun qızı Yuliya barədə məlumatı xüsusi olaraq gizlədir. “Ulusum”.az xəbər verir ki, aif.ru ilə müsahibəsində o, onların sağ və sərbəst olduqlarına ümid etdiyini bildirib."Əlbəttə, biz ümid edirik ki, Sergey və Yuliya Skripal sağ, salamatdır və sərbəstdirlər. Lakin onların taleyinə olan narahatlıq yalnız artır. Təəssüf ki, Britaniya hakimiyyəti, vətəndaşlarımızın taleyi barədə həqiqəti gizlətmək üçün hər şey edir," - deyə Kelin bildirib.O, 44 yaşlı britaniyalı vətəndaş Don Stercesin ölümünə dair keçirilən ictimai dinləmələri misal göstərib. O, "Novichok" zəhəri ilə zəhərlənərək ölmüşdü. Kelinə görə, Skripallar bu dinləmələrə buraxılmayıblar. Rusiya isə dəfələrlə Skripalların taleyini öyrənməyə çalışıb, lakin Böyük Britaniya hakimiyyəti Rusiya tərəfindən verilən sorğulara cavab verməyib.Səidə
Diqqət Çəkənlər
İran və ABŞ-ın gələcəyi necə olacaq?
Ərdoğan Azərbaycanla əhəmiyyətli sazişi təsdiqlədi
Pensiyalar artımla nə vaxtdan veriləcək?
