Dr. Verdin uzunömürlülük araşdırmalarında dünyanın ən hörmətli adlarından biridir. San-Fransiskodakı Buck Yaşlanma Tədqiqatları İnstitutunun baş direktoru və prezidenti kimi o və komandası sağlam qocalmanın sirlərini araşdırır. Onların məqsədi yaşla əlaqədar idrak qabiliyyətlərinin və hərəkətliliyin azalmasının minimuma endirilməsi ilə insanların daha uzun və sağlam ömür sürməsinə imkan yaratmaqdır.
E-saglam.az xəbər verir ki, o, balanslı qidalanma, fiziki fəaliyyət, keyfiyyətli yuxu, stressin idarə edilməsi və sosial əlaqələrin uzunömürlülükdə əsas rol oynadığını bildirir.
Bunlarla yanaşı, Dr. Verdin gündəlik olaraq dörd əlavə qəbul edir:
D vitamini: Sümük sağlamlığı üçün vacibdir və bir çox insanda, xüsusilə soyuq iqlimlərdə yaşayanlarda çatışmazlıq müşahidə olunur.
B12 vitamini: Qırmızı qan hüceyrələrinin və DNT-nin yaranmasında rol oynayır, xüsusilə yaşlı insanlarda çatışmazlığı yaygındır.
Omega-3 yağ turşuları: Ürək və beyin sağlamlığını dəstəkləyir, əsasən balıqda tapılır, lakin Qərb pəhrizində kifayət qədər istehlak edilmir.
Kreatin: Əzələ inkişafını və idrak funksiyalarını dəstəkləyir, idmançılar arasında məşhurdur və hüceyrə funksiyası üçün vacibdir.
Dr. Verdin, insanların bu əlavələri qəbul etməzdən əvvəl qida səviyyələrini yoxlamalarını və sağlam qocalmanı dəstəkləmək üçün uyğun tədbirlər görmələrini tövsiyə edir.
Tərcümə: Könül Oruc
