Vətəndaş ona yazılan cərimənin düzgün olmadığını iddia edir.
Avtosfer.az-ın məlumatına görə, paytaxt sakini Mircəlal Mirməmmədov deyir ki, o, avtomobilini yaşadığı binanın yaxınlığında - Bakıxanov qəsəbəsi, Səməd bəy Mehmandarov küçəsində, hər zaman saxladığı yerdə park edib. Bu dəfə isə ona cərimə yazılıb. Üstəlik protokol əlillər üçün nəzərdə tutulan yerdə avtomobil park etmək qaydasının pozulmasına görə yazılıb.
Müsahib iddia edir ki, həmin ərazi əlillər üçün nəzərdə tutulmayıb.
Mircəlal Mirməmmədov aidiyəti qurumun bu məsələni araşdırmasını və ona yazılan protokolun ləğvini istəyir.
Məsələ ilə bağlı Bakı Şəhər Dövlət Yol Polisi İdarəsindən sorğumuza cavab olaraq bildirildi ki, sürücü barəsində tərtib edilən protokolun maddəsi ilə əlaqədar mərkəzi informasiya sistemində müvafiq dəyişiklik edilib. Başqa sözlə, sürücü avtomobilini səkidə park edib. Yəni səkidə avtomobilini saxlayan sürücü barəsində protokol tərtib edilib və ona 60 manat, 2 cərimə balı yazılıb.
Daha ətraflı videomaterialda.
