Rusiyanın Helsinkidəki səfiri Pavel Kuznetsov Finlandiya Xarici İşlər Nazirliyinə (XİN) çağırılıb.
"Report" xəbər verir ki, bu barədə Finlandiya XİN "X" sosial şəbəkəsində məlumat yayıb.
Məlumatda qeyd olunur ki, nazirlik hava məkanına ehtimal olunan müdaxilənin araşdırılmasını tələb edib.
Bundan əvvəl "Yle" portalı xəbər verib ki, Finlandiya Müdafiə Nazirliyi Rusiya təyyarəsinin Fin körfəzi bölgəsində ölkənin hava sərhədlərini pozduğundan şübhələndiyini açıqlayıb.
