Danimarkanın Orhus şəhəri dünyanın ən xoşbəxt şəhəri seçilib.
Milli.Az xarici mətbuata istinadən xəbər verir ki, Happy City Index 2024-ə görə, bu şəhər yüksək həyat keyfiyyəti, yaşıllıqların bolluğu, rahat hərəkətlilik imkanları və yüksək təhsil səviyyəsi ilə fərqlənir.
Bəs bu şəhər digərlərindən nə ilə fərqlənir?
Tarixi Latın Məhəlləsi - Butik mağazalar, rahat barlar, restoranlar və rəngarəng binalarla dolu mənzərəli bir məkan.
ARoS Aarhus İncəsənət Muzeyi - Beş fərqli qalereyası və müasir incəsənət sərgiləri ilə şəhərin mədəni həyatına canlılıq qatır.
Botanika Bağı və Tarixi Muzeylər - Açıq havada yerləşən muzeylər şəhərin tarixi həyatını canlandırır və turistlərə unudulmaz təcrübə təqdim edir.
Orhus Katedrali - Romanesk üslubda tikilmiş və Danimarkanın ən hündür kilsəsi hesab olunan bu memarlıq abidəsi şəhərin simvollarından biridir.
Baxmayaraq ki, Orhus turistlər arasında Kopenhagendən daha az tanınır, o, Danimarkanın ikinci ən böyük şəhəridir və səyahətçilərə unikal və rahat atmosfer təqdim edir.
Milli.Az
