Dünyaca məşhur ulduzlar ABŞ-də Milli Futbol Liqasının əsas oyunu - “Kansas Siti Çyefs” və “Filadelfiya İqlz” komandaları arasında keçirilən “Super Bowl” matçı üçün stadiona axın ediblər.
“Qafqazinfo” xarici mətbuata istinadən xəbər verir ki, məşhurlar arasında ABŞ Prezidenti Donald Tramp, “İnter Mayami”nin ulduzu Lionel Messi, komanda yoldaşları Luis Suares, Xordi Alba, məşhur aktyorlar Paul Rud, Cessika Alba, Bredli Kuper, Orlando Blum, müğənnilər Ledi Qaqa, Teylor Svift və digərləri olub.
Qeyd edək ki, oyun “Filadelfiya İqlz”in 40:22 hesablı qələbəsi ilə yekunlaşıb.
