ABŞ-nin Ukrayna və Rusiya üzrə xüsusi elçisi Keyt Kelloq tezliklə Avropaya uçacaq, orada Ukrayna münaqişəsi ilə bağlı məsləhətləşmələr aparacaq...
Poliqon xəbər verir ki, bu barədə Bloomberg Agentliyi mənbələrə istinadən məlumat yayıb. Nəşr qeyd edir ki, səfərdən sonra Kelloq prezident Donald Trampa bu münaqişənin necə bitəcəyi ilə bağlı bir neçə variant təqdim edəcək,.
Keyt Kelloq Münhen Təhlükəsizlik Konfransında (14-16 fevral), Avropa paytaxtlarına və Kiyevə səfərləri zamanı rəsmilərdən məlumat və rəylər toplayacaq. Agentlik qeyd edir ki, o, Moskvaya səfər etməyi planlaşdırmır. Bloomberg qeyd edir ki, bu səfərlər və Tramp üçün variantların hazırlanması bir neçə həftə çəkə bilər.
Agentlik yazır ki, Kelloq, xüsusilə Aİ ölkələrinin mümkün sülh sazişini dəstəkləmək üçün təhlükəsizlik məsələlərində aparıcı rol oynamağa hazır olduğunu müzakirə edəcək. ABŞ özü Ukrayna nizamlanmasının bir hissəsi kimi Aİ-yə qoşun göndərmək niyyətində deyil və sazişə dəstək üçün başqa formalarda özünü məhdudlaşdırmaq niyyətindədir.
Bundan əlavə, Bloomberg-in qeyd edir ki, Kelloq avropalı tərəfdaşlarla müdafiə xərclərinin artırılması, Rusiyanın enerji sektoruna qarşı sanksiyaların gücləndirilməsi və dondurulmuş Rusiya aktivlərinin istifadəsini müzakirə edə bilər.
Poliqon.info
