Federal Fövqəladə Halların İdarə Olunması Agentliyi (FEMA) qeyri-qanuni immiqrantların lüks otellərdə yerləşdirilməsi üçün 59 milyon dollar xərcləyib. Bu barədə amerikalı sahibkar və ABŞ Hökumətinin Effektivliyi Departamentinin (DOGE) rəhbəri İlon Mask X sosial şəbəkəsində bildirib.
Onun sözlərinə görə, hadisəni DOGE komandası aşkarlayıb. Departamentdən bildirilib ki, FEMA vəsaiti keçən həftə göndərib.
Mask əlavə edib ki, DOGE FEMA-dan ayrılan vəsaiti geri qaytarmağı tələb etmək niyyətindədir. Şöbə müdiri qurumun belə bir qərarının qanunsuz olduğunu vurğulayıb. Sahibkar qeyd edib ki, o, təbii fəlakətlər zamanı əhaliyə kömək üçün vəsait yönəltməlidir.
Mask bildirib ki, ABŞ-ın keçmiş prezidenti Co Baydenin administrasiyası tədqiqat və təhsil qrantları alarkən Müxtəliflik, Bərabərlik və İnklüzivlik (DEI) siyasətlərinə riayət etməyi tələb edir.
Bundan əvvəl Tramp Maskın ABŞ departamentlərində əsassız xərcləri müəyyən edə bildiyini bildirmişdi.
Əziz Mustafa, Oxuməni.az
