"Son bir dəfə mənə güvənməyinizi istəyirəm". Tom Kruz bu sözlərlə BVF komandasına yalvararaq dünyanı xilas etmək üçün sonuncu dəfə onunla ölümcül bir missiyaya getmələrini xahiş edib.
Hafta.az-ın yazdığına görə, Kruzun son dəfə super casus Ethan Hunt kimi tamaşaçılar qarşısına çıxacağı “Mission: Impossible – The Final Reckoning” filmi mayın 23-də kinoteatrlarda nümayiş olunacaq.
Super Bowl-da yayımlanan yeni treyler serialın imzasına çevrilmiş çılğın hərəkət səhnələri ilə doludur. Bir anda Kruz hətta təyyarədən tərs asılır.
Daha əvvəl dünyanın ən hündür göydələni olan Burc Xəlifə-nin divarına çıxıb motosikletlə uçurumdan tullanan Kruz, görünür, bu dəfə həddi aşıb.
Kruz, "Saatda 190-200 kilometr sürətlə hərəkət edən təyyarədən üzünü çıxaranda, oksigen ala bilmirəm" deyib.
Fasiləsiz hərəkət səhnələri ilə dolu olan treylerdəki bir səhnədə bir adamın sürətlə su ilə doldurulan nüvə sualtı qayığına sızdığı görünür. Başqa bir səhnədə Kruz görünməmiş təhlükədən xilas olmaq üçün sürətlə qaçır.
Serialın əvvəlki filmi “Mission: Impossible - Dead Reckoning Part One”, yüksək sürətli finalla başa çatıb.
Bir qatar qəzasından sağ çıxandan sonra Ethan gələcəyi proqnozlaşdıra bilən "Varlıq" adlı güclü süni intellektlə işləyən proqramın ardınca getdi. Dünyanın sonunu yanlış əllərdə gətirə biləcək bu sistem Ethan və komandası üçün böyük təhlükə yaradırdı. Əvvəlki treylerdə Ethan sualtı qayıqda Varlığı axtararkən və təyyarənin qanadlarından asılı vəziyyətdə görünüb.
